zindagi ab to ji naheeN jaati
lekin ummeed bhi naheeN jaati

aadat-e-bandagi naheeN parhti
aadat-e-sarkashi* naheeN jaati
*rebellion

raazdaaroN pe shaq bhi hai lekin
dil ki dil meiN rakhi naheeN jaati

dil to deedaar ko machalta hai
aaNkh ki sharm hi naheeN jaati

phorh leNge sar apna dar pe tere
is pe dastak kari naheeN jaati

aisi tanqeed* ki lagi aadat
ke sataaish** sahi naheeN jaati
*criticism **admiration

thak gaye haiN sharaab pi pi ke
kya kareiN tishnagi* naheeN jaati
*thirst

kuchh to saaqi ka tha hunar achchha
kuchh ye aadat buri naheeN jaati

hum mulaazim haiN maut ke yooN to
khidmat-e-zindagi naheeN jaati

bekasi* ki dawa hai “zarraa” magar
shayari tum se ki naheeN jaati
*friendlessness

- zarraa