jab bhi dil meiN malaal* aata hai
tab tumhara khayaal aata hai
*dejection

roz paamaal* hone jaata hai
roz kar ke kamaal aata hai
*trampled

hai ye keemat urooj* ki shaayad
baad is ke zawaal** aata hai
*rise **decline

neeNd kyooN raat bhar naheeN aati *
sub’he ka jab khayaal aata hai
*ghalib ka misra

khoj meiN is jawaab ki uljha
jaane ab kya sawaal aata hai

baad is ke to sab kuchh achchha hai
kis baras meiN wo saal aata hai

husn bhi ik kamaal hai maana
rehm ho to jamaal* aata hai
*beauty

“zarraa” bedil naheeN hai dilwaaloN
bas kaheeN dil samhaal aata hai

- zarraa