haq hunar ka agar ada karte
haajatoN* ka bataao kya karte
*needs

jaaN junooN meiN jo mubtila* karte
shauq itne naheeN rakha karte
*afflicted

is tarah dhooNdhte na phirte uzr*
haq samajh ke agar khata karte
*pretext

tark*-e-hasrat** ki kar rahe hasrat
isi hasrat meiN ab jala karte
*relinquishment **unfulfilled desire

din ko zaahid* haiN aur shaam ko rind**
is liye is qadar piya karte
*devout **drunkard

hum aseeree* meiN haiN aseer** naheeN
hum yooN aasir*** ko bemaza karte
*captivity **captive *** captor

achchha hai berhiyaaN hayaat* ki haiN
aap “zarraa” naheeN to kya karte
*existence

- zarraa