hasratoN ka koyee maqaam* hua
kab kisi ka safar tamaam** hua
* destination ** complete

zindagi ka to aehtemaam* hua
par na jeene ka intezaam hua
* management

tere hoNthoN pe zikr-e-ghair aaya
jab bhi saaNsoN meiN mera naam hua

zarf* kis meiN hai kaun hai sarshaar**
sab ke haathoN meiN khaali jaam hua
* capacity ** full of intoxication

amn hi chaahe jis se bhi poochho
kis ne chaaha ke qatl-e-aam hua

ghar to sab ke liye khula tha mera
dard-o-gham ka hi par qayaam* hua
* stay

log shaq ki nigaah se dekheiN
jab kh’moshi se nek kaam hua

rashk* mujh ko wo teri baat kare
tu jale mujh se hum-kalaam** hua
* envy ** converse together

hum-safar tha na jab koyee maqsad
ik safar sa harek gaam* hua
* step

“zarraa” mehfil meiN surkh-ru* na hua
par yooN ut’tha ke aehteraam** hua
* successful ** being honoured

- zarraa