Khawabon Ka Gulsitan Hai Tu ,Armanon Ka Chaman

Jannat Se Kam Nahin Hai Tu Mere Lie Watan



Parbat Himaala Azm ka Parcham kahein Jise

Gang-O-Jaman Hain Pyaar Ka Sangam Kahein Jise



Jharnon Se Phoote Hai Naee Ummeed Ki Kiran

Jannat Se Kam Nahin Hai Tu Mere Lie Watan



Gautam Raheem Naanak Aur Chisti-O-Kabeer

Paighaam Laaye Pyaar Muhabbat Ka Sab Faqeer



Insaaniat Se Mahka hai Yoon Hind Ka Chaman

Jannat Se Kam Nahin Hai Tu Mere Lie Watan



Badhne Naa Paaye Hindu-Musalman Mein Faasle

Sab Aik Hain Jawaan Hain Abhi Apne Hausle



Hum Aik Hain Hum Aik Hain Goonje Wahi Sada

Apne Watan Pe Kar Denge Hum Jaan-O-Tan Fida



Apne Saron Se Baandhke Nikle Hain Hum Kafan

Jannat Se Kam Nahin Hai Tu Mere Lie Watan